霍震霆昨日踢爆孫耀威擁有奧運門票，孫耀威稱如緋聞女友楊秀惠也有興趣，他可以送上門票，並會包她「全餐」，作為早前擔任音樂電影女主角的謝禮。孫耀威又表明願冒被狗仔隊偷影的風險，堅持與女友入場睇奧運比賽，因為這是人生難得一次機會。
容祖兒、孫耀威、吳雨霏（Kary）及泳兒昨日出席中環舉行「全港倒數2008迎奧運」記招，會上司儀向奧委會會長霍震霆索取奧運門票，霍生即指向孫耀威說：「我畀咗佢。」儀式尾聲主禮台兩旁發放煙花，嚇得站在煙花旁的Kary及泳兒不停退縮。
被踢爆有奧運門票，孫耀威承認是託內地唱片公司及內地政界朋友撲飛，暫時未知有多少張及是甚麼項目。他希望奧運期間全程留在北京，並會寄宿朋友家，他坦言能參與奧運盛事可能一生人只得一次，更痛恨遲了一年復出，錯過唱主題曲《Weareready》。
觀賽無懼遭偷拍
孫耀威又表示會帶媽咪同行，問到會否帶緋聞女友楊秀惠北上，他說：「佢咁幫我，套戲拍多三日都冇再收我錢，若果問我攞一兩張都會畀佢，如果我有嘅話。」談到女孩子獨自北上好危險，他即爽快說：「包全餐（衣食住行）都OK，我好好客。」之後續說：「真係俾人捉到我同女朋友睇一百公尺（賽跑），我都會冒被狗仔隊影相風險，堅持睇埋衝線先走。」
Kary增磅迎個唱
中學時曾奪全港跨欄第五名的Kary，希望明年可到北京看奧運，原來她從未踏足北京。近日她積極增肥，希望演唱會時有睇頭，她說：「女仔有啲肉好睇啲，仲同設計師傾緊啲衫，一定會有驚喜。」至於祖兒表示有意參與奧運義工行列，實地落場感受氣氛，她笑說：「要我遞毛巾都冇問題，我想睇跳水。」
採訪：馬建華
攝影：陳志嵐
