入咗娛樂圈唔短日子嘅「囚鳥」,成日都係靠行性感同負面新聞博見報,早排佢嘅紋身成為一時話題之後,近幾個月好似潛咗水咁,咪都係因為唔生性,換過幾間公司,每次都話會努力,但都係得個講字,「狼來了」講得多,冇人再畀機會佢。
早排關仁同一位電影幕後傾開偈,提起囚鳥佢就媽媽聲,話從未見過一個咁唔專業嘅藝人。話說早年囚鳥接咗套劇,同劇有性感女神「豬豬」,有日拍拍吓,輪到囚鳥埋位,但搵極搵唔到佢,第二日囚鳥出現時,仲理直氣壯話拍緊第二個啲戲,未輪到自己所以走先喎,激到個導演死死吓。呢件事差唔多成個電影行都知,所以佢想有戲開都幾難。
Textby關仁