鄭欣宜昨日向周中師傅偷師，親自下廚炮製六道菜式，包括其母沈殿霞最愛的一味「百花釀蟹箝」，可惜肥姐現時只吃清淡食物，欣宜惟有將製成品拍下照片，讓母親望梅止渴，並特地煲了素菜湯孝敬母親，相信肥姐品嚐欣宜的愛心湯後必定甜入心。
鄭欣宜和周中師傅昨日在將軍澳電視廣播城錄影生活台節目《星級廚房》，欣宜親自準備烹調材料，包括切蓮藕片和椒絲等，手勢雖然未算熟練，但明顯有入廚經驗，周中還稱讚欣宜廚藝不俗，欣宜又即場拋鑊顯功架。
「影相畀媽咪睇」
欣宜表示平時較喜歡煮西餐及整餅給母親吃，問到男友可有品嚐過她的手勢？欣宜笑笑口說：「男女朋友都有，唔知你講邊個？」
在節目中，欣宜特地為母親肥姐烹了一味「百花釀蟹箝」，欣宜說：「呢個菜係媽咪最鍾意食，都好難整㗎，𠵱家媽咪唔食得住，我影咗相畀媽咪睇，呢啲叫望梅止渴，我仲煲咗個『三菇四耳』素菜湯帶走畀媽咪飲。我喺屋企都會煮嘢畀媽咪食㗎，不過我喺外國長大，煮西餐叻過中菜，所以媽咪會要求我煮西餐。」
今年欣宜決定與親友在港過聖誕節，她說：「媽咪未唔舒服前，我哋通常都會四圍去，好少喺香港過聖誕，今年我會整有機火雞，同親友喺屋企開派對。」
肥姐精神不俗
欣宜表示肥姐精神不俗，還一起看電視節目，至於會預備甚麼聖誕禮物送給肥姐，欣宜說：「我婆婆20號生日，諗送乜嘢畀佢已經好頭痛，所以我決定織披肩畀婆婆，我都曾經織過頸巾畀媽咪。」
採訪：卓寶花
攝影：陳志嵐
