容祖兒前晚在尖沙嘴出席一間意大利餐廳開幕禮，她表示該店是其同事的朋友開設，故特地來支持。祖兒將於下月底在紅館舉行一連九場個唱，她開心說：「𠵱家場數平咗上次嘅紀錄。」
祖兒透露正展開地獄式訓練，每天狂做運動，她說：「我對腳好攰呀，𠵱家日日做kickboxing同瑜伽，又上斜落斜跑步45分鐘，全閉關式練習，不過仲頂得順。」
「打過電話畀佢」
談到父親容錦輝早前恐嚇超市職員，被判160小時社會服務令，祖兒說：「我有打過電話畀佢，大家都鬆一口氣，判決係幾唔錯嘅結果。」問她會否陪父做服務令？她說：「唔會，都唔方便，我會支持佢。」祖兒透露其弟最近找到與車有關的工作，感到很安慰。
採訪、攝影：林惠卿