「幪麵」自從同「米粉」拍拖之後，人氣勁升兼狂賺外快，所以份人就越嚟越寸，早排幪麵因為向女製作高層「攝青姐」請假失敗，佢唔理三七廿一，竟然玩失蹤失場，搞到攝青姐噴晒火。
攝青姐都唔係善男信女，佢一嬲之下，勁cut幪麵嘅戲份，唔止咁，佢一方面向傳媒爆料，數臭幪麵，另一方面又搞埋啲小動作，等一班同幪麵合作嘅藝員勁憎佢同排斥佢。
累拍檔冇休息
話說幪麵失場嗰日，原本要拍一場大堆頭入屋查案嘅戲份，因為佢甩底要補拍番幾個鏡頭，攝青姐專登搵一日，book成班演員拍嗰場同幪麵一齊入屋嗰個鏡頭，原本班演員嗰日唔使開工可以放假休息，結果為咗幪麵要專登返去開工，搞到幪麵𠵱家神憎鬼厭，攝青姐呢招，真係毒過毒蜘蛛。
Textby關仁
