17/12/07.....
天晴
最新動態
賭波要講賭運，球隊要識贏波，都要講隊運；英超近期最有隊運嘅，當然係紐卡素；紐記連續兩場90+入波奠勝，上周六我睇住佢哋對富咸，基本上進攻同季初比冇大改善，一味靠湧靠撞，具威脅埋門已經唔多，中場畢特手球，唔輸12碼亦都偷笑，點知補時又得到球證皇恩浩蕩，整定祖爾巴頓做英雄。
睇睇紐卡素聖誕快車期賽程真係有利，先主場對打比郡，然後作客韋根，就算29號作客車路士預咗跌3分，大儍都有把握攞6分；捧唔捧紐卡素我仲未知，不過奉勸大家，唔好同運氣作對，暫時唔捧紐卡素，都唔好買佢對家住。
上周同蘋果波神交流賭波心得，我就話德甲踢埋今周就歇冬，可以優先考慮主隊；果然今周主隊好生性，7場波主隊贏5場和2場（未計周日戰果），甚至德甲「衰鬥衰」對碰，哈化柏林主場都守得和拜仁慕尼黑；下周就係西甲、意甲同法甲歇冬前最後一周聯賽，信路就揀主隊先。
http://hk.myblog.yahoo.com/footballexperts/
逢周一至五見報
牽牛
股市大旺，英超盛世，大家齊來贏多啲！