早前嚟香港取景嘅《蝙蝠俠─黑夜之神》（TheDarkKnight）預告片正式喺美國戲院播放，有網友以身犯險用手提電話拍低咗片段，放上網公諸同好。條片大場面又多又刺激，最驚喜係蝙蝠俠登上香港國際金融中心天台嗰幕都有出現，但黑麻麻睇得唔太清楚，齣戲要等到明年5月先有得睇。另外，齣戲噚日又有多一款新海報見街，係歹角小丑背企喺夜深嘅街道上。