年屆70歲的「大少」林建名又換畫了，前晚帶同台灣妙齡新歡觀看小丑show，童心未泯。當被記者發現「斷正」後，妙齡少女火速快閃；及後林建名在電話透露女伴是台灣大學生，彼此有機會發展，但現階段只是朋友，不過他笑謂害怕被其他女朋友詐型，故他會堅守女伴如風車轉的瀟灑本色。
俄羅斯著名小丑劇「Slava'sSnowShow」前晚在灣仔演藝學院舉行首演，吸引不少城中名人一對對拍拖出席，如模特兒CaraG.及翻版關之琳JocelynL.分別帶了男友Jasper及Anthony出席，更在互動環節中跟可愛小丑打成一片，十分熱鬧。
當中70歲的「大少」林建名帶同妙齡女伴捧場，該女伴打扮得一身貴氣，身穿LVmonogramdenim牛仔jacket及monogramdenim手袋，一見記者追訪，即火速閃入會場，只剩大少給記者拍照。
怕女友們詐型
事後記者致電大少，他笑笑口說：「我同佢係朋友，朋友拍乜嘢拖，佢係台灣大學生，好細個，係我啲台灣朋友介紹，你哋咁樣影人，人哋下次唔出嚟，總之個個朋友都有機會發展。」
問大少是否為了子女，才如此低調處理感情？他說：「驚其他女朋友詐型，自己都希望搵一個，個個都走唔切。」大少年頭曾搭上23歲台灣模特兒姚韻，姚韻卻在報道中自爆床史，大少對此說：「知佢亂糟糟，咪少啲嚟，人哋唔係怕見我，係怕見到你哋。」
小環未度蜜月
此外，譚小環與任職保險的新婚夫婿蔡強榮也拍拖到場，小環透露婚後各有各忙，她笑言：「兩公婆好耐冇拍過拖，佢又忙工作，我又趕開工，不過前晚係我哋拍拖紀念日，每月嘅14號我都慶祝，到𠵱家已經一年零十個月。𠵱家仲未去到度蜜月，希望出年4月可以去日本補度。」問到二人的生育計劃，小環說：「未生得出，keep住二人世界先，兩至三年後先諗。」
採訪：LawWaiMan
攝影：ChenWaiOn
