球王施丹自從去年世界盃施展「愛心頭槌」後，見親報不外乎係踢吓慈善賽，但日前佢話想返皇家馬德里加入教練團，想將自己嘅技術傳畀年輕球員喎。計我話，佢係想關照效力皇馬青年隊嘅仔啫。記得當年佢因為老婆建議而去西甲踢波，俾人叫做老婆奴，如今重投球壇，就係廿四孝，都算男人中嘅極品。