「我唔會再嫁，唔會丟低啲仔女唔理。」31歲便嘗喪夫之痛的阿琴，為完成亡夫臨終前遺願，照顧兩名年幼子女，許下不再嫁的誓言。早前蘋果日報慈善基金撥款協助阿琴解決了其亡夫的殮葬費，近日再接獲善長1萬餘元捐款，用以購買骨灰位，解其燃眉之困，令她深深感激。
矢志撫育子女成人
年輕喪夫的阿琴，並無後悔嫁錯郎。對於54歲丈夫阿欽患末期肝癌仍對家人隱瞞真相，她感到十分無奈。「我知佢唔想我擔心，所以唔講畀我聽，但係我真係怪佢點解唔早啲講畀我知，等我可以做番啲嘢，我真係好心痛，佢咁就丟低我哋三個。」
丈夫遽然去世，阿琴兩名分別6歲及兩歲半的子女知道爸爸離他們而去，常哭着問：「爸爸幾時返嚟?」阿琴無言以對，內心悲痛不已。惟一對子女年紀尚幼，阿琴無奈要面對現實，收拾悲傷心情，用心照顧一對子女，把他們撫養成人。「好多謝善長捐款，我會用嚟支付骨灰位費用，剩番嘅錢會用嚟畀對仔女補習。」她希望將子女養育成材，以報答亡夫的恩惠。
捐款編號：C2408