梁詠琪（GiGi）昨日在將軍澳新都城中心出席「梁詠琪才女好友會」活動，她透露下周舉行的慈善演唱會，會請薛凱琪和吳建豪任表演嘉賓。對於好友莫文蔚（Karen）剛宣佈與馮德倫分手，GiGi說：「佢收得好密，我都係睇報道先知，已經send咗短訊問候佢，暫時唔會打電話問，因為知佢喺台灣多嘢做，Karen係一個好tough嘅女仔，唔使太擔心，不過都覺得好可惜，佢哋咁襯。」
GiGi曾跟楊采妮和Karen同一經理人公司，三人先後甩拖，相當巧合，GiGi笑說：「公司安排太多工作，冇時間拍拖，忽略感情咁至散咗，大家都係事業理智型，𠵱家感情收埋一邊先。」
伊健嘆隨緣
至於鄭伊健昨日在紅磡出席活動時則說：「件事好似好轟動咁，外人冇法畀意見。」問他有否覺得拍拖多年突然分手很可惜？伊健說：「最老土嗰句，緣份好難講，擁有時候要珍惜，分開都冇得講，冇話可唔可惜，有機會見佢哋會傾吓偈。」
採訪、攝影：魯萍、馬建華