汪詩詩（Cissy）前日早上為丈夫甄子丹誕下約8磅B仔James，昨日Cissy在醫院休養，精神尚算不俗，囡囡Jasmine更一早到醫院探望，更主動帶記者看看弟弟James。
忘留臍帶血
Cissy說：「前日生完好攰，今日精神好咗好多，不過老公今晚（即昨晚）要飛，成個劇組都等緊佢，自己𠵱家都想餵人奶，不過未得住。本來生James之前已經諗好留臍帶血，點知生BB太忙唔記得咗，中文名都係留番畀相士改，初步構思想有個卓字或者樂字。」此外，Cissy的胞妹汪圓圓昨日與閻清、JocelynL.在灣仔會展行婚紗騷、汪圓圓說：「我代姐夫照顧仔女，好似打咗兩份工咁。有啲覺得自己打入咗冷宮，以前行騷，成家人嚟支持我，𠵱家就最緊要係BB。我遲啲會陪家姐減肥，我都想減10磅。」
閻清則自爆自05年來港發展至今，依然單身沒拖拍，她說：「我係一個鍾意自由嘅人，愛工作，如果拍拖個男友成日陪住我，自己都唔鍾意，公司仲講笑話幫我搵個男友教我講廣東話。」
採訪：JessicaNgan
攝影：ChenWaiOn
