PK！唔好搞錯，八方唔係講粗口，而係講緊噚日運輸署自訂車牌拍賣其中一個成交車牌，呢個車牌諧音意思大家都知，但香港哋好多人百無禁忌，噚日竟然以125,000蚊高價成交，遠高於底價5,000蚊。車牌競投好激烈，最後由一班男女投得，不過佢哋玩神秘，唔肯多講點解投呢個牌。
噚日拍賣最高成交價車牌係「DS」，以70萬蚊賣出；其次係「KC」，37萬蚊，由於類似英文名縮寫，好多人啱用，所以搶貴晒。相比之下，其他得意車牌價錢幾抵，包括32,000蚊嘅「PANDA」（熊貓）、39,000蚊嘅「WATER」（水）。代表中大醫學院縮寫嘅「CUHKMED」冇人爭，5,000蚊底價落入申請人手中，中大已否認有申請。今次拍賣會賣咗約200個車牌，總成交金額5,655,000元。