𠵱家做模特兒越嚟越容易紅，身價仲高過好多拍電視同電影嘅藝人，尤其拍拖都唔會影響事業，好多模特兒一旦識咗個知名度高嘅男藝人，通常都唔會吝嗇，搵人扮爆料，咁多人追訪，行騷出活動嘅邀請就會湧埋嚟。
不過，喺咁多個模特兒當中，以「貝殼」最笨，皆因佢宣傳自己嘅伎倆唔係公開拍拖，而係煲冇米粥。「貝殼媽」都拍過吓戲，成日以為保護乖女形象好重要，仲要自抬身價，成日話乜奧斯卡得獎人搵佢個女拍戲，又話投資億億聲點勁點勁，其實全部係借人過橋，「肥膶」同奧斯卡金像攝影「顧自己」都俾佢利用過，顧自己老婆知道後，好不屑咁四圍叫人唔好信貝殼媽，拆穿佢西洋鏡，仲𤓓。
Textby關仁