上期推介紐卡素贏得險，有幸做就本欄兩連勝，今周揀選嘅熱刺，雖然是英超隊中開「大」指標，但宜留意只限於主場；周六到訪樸茨茅夫，畢傑對下盤同「細」甚有信心。
1〉星期六13 樸茨茅夫vs熱刺
首先，我會睇樸茨茅夫近期盤路，佢哋無疑11場不敗，不過近7場勝負盤路為「勝、和、勝、和、勝、和、勝」，無論你係賭波友抑或係賭場蒲客，唔多唔少應該都會信一信「單跳路」，呢個係我認為樸茅不勝其一原因。照盤路走勢，大可一注試樸茅迎熱刺開和，再大注受讓平/半嘅下盤。
樸茅主場靠唔住
老實講，樸茅上場贏阿士東維拉3:1確實係技術擊倒，尤其蒙達利兩腳遠射建功更是妙絕。之不過數一數，樸茅作客雖則已6連勝，但原來在其主場費頓公園就連和3場，3戰仲要全開0:0兼開「細」，似乎近期表現「客優於主」。還有，樸茅守將羅倫、派密斯及馬田卡尼全部因傷要缺陣，中場桑戴維斯同樣極大機會避戰，未能以最強陣迎戰對手。
熱刺上場2:1擊敗曼城，8場主場聯賽全部開「大」，基本上每逢喺白鹿徑球場比賽，球迷真係長追長有。但係周六唔同講法，熱刺離開主場後踢法截然不同，領隊拉莫斯會先着重防務，從佢哋上場歐協盃作客1:1和安德列治，喺未失球前節奏確實緩慢，及後才更強攻勢，戰術明顯與主場時有別。
熱刺11客場開8「細」
數據上，熱刺今季所有11場作客賽事，原來錄得3「大」8「細」，喺加強防務底下，攻力相對減弱實屬正常，所以「細」比率較高。同時，熱刺今役續有首席射手羅比堅尼停賽，更添開「細」信心。至於加里夫巴利、京治及伊高圖續養傷，但有列卡度洛查及索高拿復出，陣容佔趨完整。
熱刺對完樸茨茅夫後，下場聯賽便要作客同市宿敵阿仙奴，今場料至少以不敗為目標攞番信心，才有望挑戰兵工廠，因此下盤加「細」為今周重心推介。
2〉星期六10 伯明翰vs雷丁
兩軍鬥攻要吼「大」
伯明翰上場欠運下完場前被紐卡素擊敗，但反映防線始終欠穩，今周僅餘借將中場奧賓拿一員傷兵，預期會與同屬中下游的雷丁鬥攻搶分，首選入球「大」。雷丁主場一向具威力，上仗主場便3:1擊敗利物浦，格連列圖及奧士達仍在養傷，中堅杜比利有望歸隊，而中場占士夏柏及傑臣等腳風頗順。今役勝負難料，故一於博兩軍演入球騷，向1.9倍入球「大」埋手。《吼「大」更佳》
3〉星期六11 打比郡vs米杜士堡
打比郡組織欠奉
打比郡已6連負，縱使一眾球員踢出拼勁，奈何組織力實在太差，上場能在曼聯身上破蛋，史堤芬侯活的入球絕對帶有幸運成份，而主隊今役將有艾禾菲及安廸杜特因傷缺陣。米杜士堡上仗破阿仙奴的不敗身，肯定士氣大振，中堅賀夫及中場艾卡已傷癒復出，戰力加強不少；門將舒華沙有望復出，而前鋒美度續養傷，可幸艾利亞廸里及端基表現不俗，再吼客W或上盤。《再追米堡》
4〉星期六12 曼城vs保頓
曼城最少贏兩球
曼城上周少打一人情況下不敵熱刺，換來今仗中場艾利蘭需要停賽；至於艾蘭奴、保積洛夫及史杜列治續因傷缺陣，幸路蘭度比安基及伊美梅賓沙已可復出，前者上場更取得「士哥」，贏波絕無問題。保頓上場大勝韋根4:1，只基於對手處頹勢，而守將奧拜恩、前鋒希古臣及華斯廸仍因傷上陣成疑。何況保頓暫作客僅得2和5負，取曼城單W之餘，更可兼顧淨勝兩球或以上。《曼城穩W》
5〉星期六14 新特蘭vs阿士東維拉
維拉少讓唔怕捧
新特蘭近況未有好轉，上場主場1:0勝榜尾打比郡，亦要靠史杜基斯完場前建功才能擊敗對手。新特蘭今周將有中場米拿坐波監，而卡路士艾華斯及羅素安達臣肯定避戰，諾斯禾菲及華加則上陣成疑。兩連敗的阿士東維拉近況其實不差，近11場聯賽全部能取得入球；目前僅餘中場柏杜夫因傷缺陣，前線的卡維、艾舒利楊格及艾邦拉荷個個狀態不俗，有力贏波，少讓平/半唔怕捧。《維拉上盤》
6〉星期六15 韋斯咸vs愛華頓
平手盤要買「糖」
韋斯咸剛於聯賽盃出戰，卻主場反勝為敗予愛華頓1:2，今再遇同一對手，信心總會動搖。韋斯咸續有比拿美、森莫亞、戴亞法拔養傷，安頓費廸南及廸雲樸則上陣成疑，平手都要唔過。「拖肥糖」聯賽盃遣強陣，阿廸達、卡希爾及奧士文等均正選上陣，但射手安祖莊臣卻未有登場。愛華頓左閘巴尼斯及中堅史杜比斯續避戰，而華倫天有望復出，就博愛華頓日內連贏主隊兩次。《拖肥較穩》
7〉星期六16 韋根vs布力般流浪
韋根頹吼流浪上盤
韋根今周有右閘米茲洛停賽復出，但球隊已13場聯賽不勝，再加上前線阿加賀華及施比斯基因傷休戰，根本捧唔落手，短期內續昅實韋根對家應有斬獲。布力般流浪近況亦有轉沉迹象，對上6場聯賽僅得1勝；可幸球隊目前並無受傷兵問題困擾，今周續可排出最強陣作客韋根，包括賓尼、麥卡菲及摩頓柏達臣等主力均會正選披甲，今次對着狀態更差的韋根，少讓平/半可取上盤。《韋根難救》
8〉星期六44 富咸vs紐卡素
紐記作客勝率低
富咸現已跌至聯賽榜第17位，再不靠主場贏波必難以翻身，而基拿、李爾曲克、基斯坦禾、伊恩皮雅斯及麥比廸等全部因傷肯定缺陣。紐卡素上場能勝伯明翰實在走運，至於今周將續有奧雲、卡爾及拉美治等養傷，而畢特及戴安尼菲爾則有微傷在身；然而紐記作客勝率低，近6場僅2和4負。今役開出平手盤，似乎投注低水的主隊富咸較化算，另外可補注入球「大」。《唔撐紐記》
9〉星期日9 利物浦vs曼聯
火力強勁宜博「大」
利物浦剛在歐聯輕鬆大勝馬賽4:0，體能應消耗不是太多，費蘭度托利斯及謝拉特近期腳風大順，尤其後者近11場取得10個入球。紅軍今周續缺中場賓納，而沙比阿朗素及丹尼爾艾格應仍未可復出。曼聯同樣剛出戰歐聯，但除朗尼及卡域克為常規正選外，其餘多為二線球員，體力同樣充足，而史高斯及加利尼維利等續避戰。兩軍火力同樣強勁，唔玩平手盤的話，就博「大」。《玩入球「大」》
10〉星期日21 阿仙奴vs車路士
法米尼有望復出
阿仙奴前鋒尹佩斯已在周中歐聯對布加勒斯特星隊一役中復出，但法比加斯及希比仍披甲成疑，另一中場法米尼則有望可復出鬥車路士。車仔周中歐聯排出頗強陣迎華倫西亞，艾辛及泰利更踢足全場，而舒夫真高及林柏特則提早被換離場；球隊今周續缺殺手杜奧巴，馬隆達及卡維奴則上陣成疑，可幸施治及保羅費拉拿已復出。若兩強對撼，現階段我仍會揀受讓一方。《下盤較筍》
周末早飛超級重心
《英超》
星期六12
曼城vs保頓
主客和：曼城勝
星期六13
樸茨茅夫vs熱刺
讓球：熱刺（下）
星期日9
利物浦vs曼聯
入球大細：利物浦大
星期日21
阿仙奴vs車路士
讓球：車路士（下）