蘇永康、楊愛瑾（Miki）、葉翠翠及曹敏莉等，噚日到圓方出席CutlerandGross眼鏡店開幕禮。康仔話最近有一個新嗜好，就係收藏古董眼鏡，之前用咗5位數買咗一副古董鏡，同埋佢覺得眼鏡就好似皮膚一樣不可分割喎。因為康仔曾經做過試驗，佢話唔戴眼鏡落街跑步係完全冇人認得佢，所以佢覺得眼鏡對佢好重要。另外，Miki透露將拍新片，對於好姊妹鄧麗欣同吳雨霏分別開個人演唱會，Miki話絕對冇妒忌，反而戥兩位好姊妹高興。