啱啱同最愛睇完周董嘅演唱會，但今次同之前嘅《TheOne》及《無與倫比》相比，真係差一大截；事關周董成日換衫，又搵南拳媽媽唱足4首歌，講真好多悶場。不過身為超級「粉絲」，都認為值得捧場嘅，起碼《雙截棍》慢版嗰part真係一流，喺度多謝烈兄幫我攞靚飛。
唔好以為做我哋呢行放假先有波踢，有時放工凌晨嗰陣，都會約埋編輯同美術練吓波。今朝蘋果隊就要喺記協盃出戰分組賽最後一場，我哋和波都可以入8強，想知賽果下期話你知。今期推介周日嘅維拉利爾贏基達菲。
讓球：維拉利爾（平）
心得：對手主力停賽
近5場往績：贏贏輸贏輸
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。