身為東華總理的賭王三姨太陳婉珍，前晚於港島香格里拉酒店以舞會籌委主席身份主持大局，率領三房子女超雲、超蓮及猷啓撐場，賭王何鴻燊更坐足全場。
賭王咳嗽漸癒，心情頗佳，問他有否留意十姑娘何婉琪早前出書透露患了驚恐症，十分害怕到澳門，他說：「冇聽過呢個症，我就同佢啱啱相反，去澳門不知幾開心。」問他近年有否跟十姑娘見面，他說：「冇見好耐，佢肥到幾乎唔認得，都戥佢擔心，肥到講嘢都講唔出。」
漸忘記年齡
問賭王聖誕有甚麼節目，他說：「自己又唔係信耶穌，又唔係信佛，自己信自己，問心無愧，都唔會特別慶祝。」賭王笑言近年已忘記歲數：「總之我都係日日游水，一個星期打兩次網球，有時同四太跳吓舞，佢係專家。」談到其姨太會否穿比堅尼陪他游水，他說：「佢哋都唔係後生女，師奶唔會着。」
採訪、攝影：JessicaNgan