每逢行過寵物店，見到可愛嘅狗仔同埋得意嘅兔仔，我都有衝動帶佢哋返屋企；不過，居住地方淺窄，而家中已有幾隻西施，加上照顧寵物係一生一世嘅事，於是好似愛護動物協會嘅廣告咁，停一停、諗一諗，之後就打消咗買佢哋嘅念頭。再者，如果真係要養寵物，我都寧願去保護遺棄動物協會等非牟利機構領養，可以做善事吖嘛！
其實，養小動物真係唔錯呀，佢哋會好無私咁錫你，令你壓力全消，你喺照顧佢哋嘅同時，仲可以學識有責任感同埋了解他人感受！所以身邊唔少人就算屋企唔方便，都會選擇助養，得閒就去志願機構度同小動物玩。
今期推介亦同小動物有關，就係小燕子飛燕諾是也。呢支荷甲球隊主場特勁，遇着唔識作客嘅阿爾克馬爾，讓平/半，捧上盤。
讓球：飛燕諾（上）
心得：飛燕諾主場勁
近5場往績：贏贏輸輸輸
吾中
買嘢講名牌，但賭波一定唔會做名牌奴隸嘅大聯盟女神。