鄭裕彤昨日為旗下珠寶展覽主禮，出動私伙收藏的1億元粉紅鑽，現場更留神狂昅「城嫂」熊黛林、周汶錡及性感AmandaStrang。他贊同賭王何鴻燊用鑽石𠱁女仔的方法，更踢爆葉璇會要求男人買鑽石。
周大福昨日在灣仔君悅酒店舉行Deluxe高級珠寶展覽，請來八位名模示範10億元珠寶。老闆鄭裕彤在台下看騷，當看到大露背的熊黛林及超性感的AmandaStrang出場時，最為投入，全程目不轉睛。大會公關透露由代言人呂燕示範的兩顆合共1億元的粉紅鑽，來自鄭裕彤私人珍藏，彤叔對此說：「冇所謂啦，大家睇到開心就得，我有一粒79卡嘅D色鑽石，係送畀太太嘅。」據知彤叔這顆鑽石價值1.2億元，早前更借出供拍攝廣告用。
自稱守身如玉
問彤叔是否只送鑽石予太太？他即詐儍說：「仲有邊個呀？」女朋友？他繼續扮懵說：「你哋介紹啲女仔畀我識啦，不過佢哋都嫌我老囉。」問他有否做錯事，被太太扭耳仔要買鑽石補鑊？他即說：「我冇做錯事，何生就會，因為佢有幾個太太。」他續說：「女仔好易𠱁，扭呢樣扭個樣，咪買鑽石畀佢囉，叫佢去周大福買啦。」
彤叔又強調自己沒追女仔，更加沒女仔追，記者指他守身如玉，他竟然應得爽快說：「係呀！」若有美女送上門？他說：「咪傾吓偈，食吓飯囉，鑽石買得起咪買囉。」
「佢扭第二個買」
彤叔一向契女多多，如明美連、葉璇和朱潔儀等，問他眾女有否扭計，他說：「扭計我會鬧佢哋。」葉璇有否扭計要買鑽石？他說：「佢冇，佢扭第二個買啫。」問到是誰時，他說：「我唔可以爆人哋啲嘢畀你哋聽。」當年葉璇「磨爆」彤叔好友「殼王」陳國強，莫非正是扭對方買鑽石？
採訪：RitaLeung 攝影：EdwardChou