【本報訊】特首曾蔭權不為港人向中央力爭2012年雙普選，反而撐2017年才先行普選特首，完全漠視市民訴求，有年僅11歲的小朋友昨天致電電台節目表明自己已經做好普選準備，希望5年後有份投票選特首，「唔想等10年咁耐」。但出席節目的政制及內地事務局局長林瑞麟卻沒有向小朋友說明真相，反而叫他準備好登記做選民，即時被聽眾怒轟他「呃細路」。
11歲童：點解等咁耐
林瑞麟昨天先後出席兩個電台節目，以及與18區區議會正、副主席會面，簡介特區最新發表的政改諮詢報告。他在出席商台節目《在晴朗的一天出發》時被「烽煙」聽眾一面倒批評，指摘政府無心推動2012雙普選，令林瑞麟有所不悅，在節目完結時揶揄主持「咁啱安排晒呢啲人打入嚟」，主持人反駁指電話只是隨機抽樣。
其間一名自稱11歲的姓胡小朋友在節目中質問林瑞麟：「我想問點解要等咁耐先至有普選？」林瑞麟回應指，普選問題要在社會達成共識才可實行。主持人續問胡小朋友是否覺得現時已有共識早日實行普選，胡即答：「係呀！我已經準備好普選，5年後夠資格去普選，我唔想等10年咁耐！」
林瑞麟回應時卻沒有向小朋友表明2012年普選未必有望，反而建議「你𠵱家11歲，5年後準備定，到18歲去登記選民。」聽眾陳小姐不滿林瑞麟誤導小朋友，直斥「林先生你唔好呃小朋友啦」，她指香港人「好醒」，「頭先11歲小朋友都明，點解要等咁耐啦。呢個普選，我哋好成熟，我哋期待咗10年，唔好再呃我哋啦，推咗4年又4年，唔好當我哋死。」
林辯稱已較港英積極
聽眾黃小姐也指報告「完全玩我哋、無承擔」，意在指出各界不接受2012年普選。聽眾郭先生也指報告「荒謬」，直斥「（政府）唔好玩我哋。」林瑞麟只辯說，中央對落實普選立場較港英政府積極，港府亦已如實向中央反映港人政改意見。