歐聯分組賽周中終於打完，一批2線聯賽強隊，終於可以暫時放低包袱，專注本土聯賽；殺入歐聯16強的些路廸，周中補賽大勝4球，周日乘勇作客恩華尼斯，一於博佢大炒多一鋪。
好多人都視些路廸為蘇超銀行球隊，無他嘅，人腳遠比其他球隊好，鬥志又十足，好少話贏一、兩球就收工；些路廸已經打入歐聯次圈，當然趁淘汰賽未開始，盡快拋離主要對手格流，保住聯賽榜首位置，周中補賽已經輕輕鬆鬆贏福爾柯克4:0，今次作客3連勝嘅恩華尼斯，對手近況好，反而換來好賠率，以些路廸首循環主場大勝恩華尼斯5:0，一於再追翻冧波膽。
博燕豪芬終止連敗
荷甲燕豪芬歐聯出局，小弟都有啲惋惜，始終上屆都殺入8強，今屆人腳係差咗，不過都有法芬、克羅金、靴里奴高美斯呢啲國腳在陣，周日燕豪芬就要作客硬拼阿積士，我唔信燕豪芬連輸3場，博2:2波膽。
德甲嘅雲達不來梅，情況同燕豪芬相似，都係最後一輪拼到盡出局，不來梅周六就主場對利華古遜，始終對手一樣硬淨，亦有強攻本錢，勝負我睇唔透，揀個總入球7球或以上，博大家演入球騷好過。
文：牽牛
貼士
混合過關3串4
星期六8雲達不來梅[7+]（14倍）x
星期日3阿積士和2:2（13倍）x
星期日19些路廸勝5:0（40倍）
全中：8,542倍