田中鬪莉王喺日本好紅，雖則我唔太喜歡佢，但對佢嘅印象就好深刻，事關佢形象百變，右眉剃條坑，又一時短髮一時紮髻，近排則負離子直髮。之但係，雖然佢阿媽係意大利mix巴西，但同阿媽係法國人嘅女優澤尻英龍華一樣，個樣一啲都唔鬼，唔怪得之戰友吾中笑佢係史上「最靚仔」嘅混血兒啦！
聽日紅鑽喺世冠盃季軍戰對沙希爾星隊，冇理由唔支持啫。畀完貼士賣個私人廣告，聽日好友Caline結婚，識咗佢逾12年，好彩佢冇俾我教壞，𠵱家仲為人師表㖭。喺度祝佢新婚快樂。
主客和：浦和紅鑽勝
心得：因為我係紅鑽fans
近5場往績：贏輸輸贏走
青蛙仔
睇德國波同埋英國波大，大個之後攻埋日本波，兼且對日本藝能界幾有研究。