年尾流流，證監會公關部門出現人事變動。一向同記者交往多年嘅機構傳訊部副總監陳志強（人稱CK）前日突然離職，令財經記者界都好愕然。聽講CK未有着落，會唞一陣再搵工，話唔定江湖再見。
CK做咗證監十幾年，其間做過證監前主席沈聯濤助理，甚得沈主席器重，但佢做證監公關阿頭期間，間唔中同記者擦出火花，雖然近年少咗啲，不過佢部門手下近年流失率幾高，經理級都轉咗幾手，今次換人，唔知係唔係要為咗穩定部門內部嘞。
至於接任人選，有傳《南華早報》前總編輯馮惠儀（Fanny）係熱門人選，佢𠵱家係可持續發展委員會主席鄭維健嘅私人助理，但唔知鄭主席會唔會放人呢？