近期捉到英冠比賽模式，信心正強。喺連續數周頻密賽期下，嚟緊周中英冠再無賽事，向來攻力強橫嘅球隊可放心發炮，首選捧升班要角屈福特，主場大炒普利茅夫反底，保榜首位；另外早場西布朗迎查爾頓可博入球大。（賽事編號：星期六2；無綫收費電視998台及now898台今日8:45pm直播）
屈福特上半季走勢與上周重心推介嘅愛隊布里斯托城有點相似，不過因擁馬龍京治、普斯堅及達路斯軒達臣（今戰停賽）等射手，故星味更濃；季初表現飛躍，但同布軍一樣，在11月經歷慘痛的3連敗，去到12月才止瀉，但由於早前優勢甚大，目前仍以2分領先西布朗做英冠「1哥」，正重返上升軌，今仗可一顯勁旅本色。
至少入兩三球
再者，屈福特上仗作客與守力不弱嘅史篤城互交白卷，成今季繼11月初淨吞西布朗3蛋後，第2場沒有入波嘅比賽，攻力在此群早證數一數二，返主場面對作客10戰失14球嘅普利茅夫，個人估計穩入2至3球，單W、「主勝」及入球大均可一捧。對手「普利」一向被我睇死，典型中游分子，今戰更有中場主將拿利斯停賽，更難爆冷，破蛋或有望。
西查「大」堆頭
次選「2哥」西布朗早場「大」戰查爾頓，前者近期防線出現缺口，包括艾比治臣、禾獲克及基文廸俱已缺陣多時，近3仗勝和負各1，入5球失7球，幸一對前鋒菲臘斯及伊斯美米拿或能復出，攻力更強；但對手查爾頓絕非泛泛之輩，攻守兼備，近4戰作客全勝兼入6球不失1球，但今場有兩後衞米斯及約拿芬科東尼停賽，總覺入球大超穩陣。其餘過關心水，包括布里斯托城擊退征戰太多嘅卡廸夫城，荷甲飛燕諾賽和芬洛後，返主場能打垮阿爾克馬爾，以及禮拜日烏德勒支主場大炒荷華高斯。
近5場往績：輸輸輸輸贏
蘋果波神
股市大旺，英超盛世，大家齊來贏多啲！