14/12/2007.....
天晴
最新動態
阿仙奴對星隊又前快後慢，亞洲盤計，已連輸3口，學同事吾中話齋，呢隊波好興開長莊長閒，希望嚟緊佢哋聯賽對車仔、熱刺同聯賽盃對布力般，開番條長勝路益吓擁躉，咁就MerryChristmas咯，唔知主打周日呢場大戰嘅吾中點睇呢。
輸盤唔緊要，最重要梗係見到唞咗兩個多月嘅荷蘭箭頭尹佩斯復出啦！呢位左腳王當然未夠fit，但上半場同班小虎踢來虎虎有威；成隊嘅進攻模式，好明顯比得艾廸巴約打單箭頭立體得多；坐喺包廂嘅雲格賽後話，對車仔可能派希比同法比仔上陣搏殺，嘩，出得及時，熱切期待呢一戰！
雲格罰坐喺觀眾席，個樣幾從容他條，心中嘅鬼少咗好多，唔似我哋曾特首，受北大人指使，突話推遲2017普選特首較合，我前日見到佢喺電視講話，覺得佢左邊企咗葉劉喺度，右邊係陳太，內心極度混亂。
蘋果波神
股市大旺，英超盛世，大家齊來贏多啲！
http://hk.myblog.yahoo.com/footballexperts/
逢周一至五見報