上一代常掛在口邊說，「後生時候捱過係唔同啲嘅」，言下之意，經歷過逆境之後，才會更加不怕失敗，更加珍惜成功。
我認同，在僅有的運動比賽經驗中，最深刻的、最久唔久記起的，都是一些衰咗的片段。
大專時代每年都有參加越野賽跑，當時學界一隊起碼要6個人，我們學校報名的才得5個，堪稱一個都不能少，兼且數極都差一個，所以作為學校代表之一，除了要練習這基本責任外，還要硬着頭皮邀請其他有潛質之朋輩加入，通常的反應都是如同傳銷一樣，聽兩句然後行咗去……
「踢波是享受跑山是付出」
那4年的光景，唔夠人唔夠人還是每屆都照樣成行，只是中大那座山也真的很難征服，4年裏面，好像只有一屆我們沒有包尾，尾二，那一次，如同贏了一樣。
4年後，我終於忍不住問了那風雨同路的教練，「點解踢波咁多人去，跑山就冇人嚟？」「踢波那種是享受，是收成；跑山這種叫堅持，是付出。快感是一時，捱苦才襟玩。」那一年，我不太明白這番話，卻記到今時今日。
文：馬啓仁