江若琳噚日喺灣仔出席化妝品品牌記者會，佢對於自己一雙大眼又愛又恨，佢話：「之前都有人話過我整容，如果一卷膠紙同大眼珠隱形眼鏡就叫整容，我諗啲整容醫生冇生意啦。」江若琳又話近日有人將佢15歲時嘅肥妹仔相上載去其他藝人如Hotcha同陳柏宇嘅blog，佢話：「嗰張相係我未箍牙又肥時同啲同學仔去影樓影嘅，睇到之後覺得好無奈。」