呢排留意政壇消息，好想知道「陳四萬」入咗立會之後會掀起點樣嘅風波。好囉，第一次亮相就先搞到局長出醜，轉頭「召集人」驚死俾人搶晒風頭，又走出嚟暗示「陳四萬」當年做港府第二把交椅時「眼厲厲」喎，聽落真係笑爆嘴！
呢單嘢咪正宗叫「君子坦蕩蕩，小小長戚戚」囉，點解？話晒「陳四萬」當年「眼厲厲」嗰陣係一人之下萬人之上，但「召集人」今日拎番出嚟想暗寸人，請問閣下係港府話事人排名榜上第幾位呀？所以話呢，「召集人」咪唔夠火候囉，威就冇佢份，𤓓味就傳千里。
講咗咁多，無非想帶出今次推介祖雲達斯，梗係啦，祖記有「老婦人」之稱，講真，不論政壇或者球壇，球員拼勁係要有，但經驗都相當重要，老波骨最叻睇住嚟食吖嘛！
讓球：祖雲達斯（上）
心得：老波骨勝在夠經驗
近5場往績：贏輸輸輸輸
賴恩
以小博大，務求打破上季命中逾千倍波膽過關紀錄！續拒雞肋回報！