肥姐沈殿霞日前再度入瑪麗醫院，噚日下午12點半，欣宜（前）到醫院探媽咪，記者問佢肥姐情況點？欣宜話：「媽咪情況OK，佢幾時出院就未知，因為都要等醫生做完檢查先知。」 大約1個小時後，欣宜面露笑容走出嚟，問佢肥姐點，佢就冇再答啦！當欣宜上咗保母車，記者追問佢夜啲會唔會再嚟醫院？欣宜話會，然後就叫司機立刻開車走。