噚日睇美國雜誌《福布斯》嘅網站 http://www.forbestraveler.com，佢哋選全球10大機場酒店，我哋香港富豪機場酒店都入選，因為設施夠多，除咗健身中心、水療等，連泳池都有一個室外，一個室內，加埋個大花園令人「如置身小島度假酒店」。
家庭樂優惠每人$628
前排我住過呢間酒店，同幾個朋友一齊去住一晚，大家checkin後一齊去大嶼山享受吓郊外景色，然後去東涌東薈城買減價名牌，夜晚一齊喺房吹水，真係好似細個一齊去camp咁。
最近，富豪機場酒店趁聖誕搞咗個「節日夢幻家庭樂」住宿餐飲優惠，兩人起每人698蚊，可以喺本月21日至08年1月2日，入住豪華客房一晚、享用晚餐、自助早餐，聖誕日會有派對，除夕夜仲有倒數派對。聖誕入住嘅要15日或之前訂購，新年入住嘅要22日或之前訂購，仲有特惠價628蚊。如果12月21至23、25至30日及1月2日入住，有額外優惠，包括提升入住海景或機場景觀豪華客房、延遲退房至下午3時等（查詢：22868688）。
逢周一至周四刊出