嚟緊新一季F1賽季，新加坡將會成為新賽站，而且仲會係破天荒首次嘅街道賽兼夜間比賽㖭！最新公佈話比賽時間將會喺夜晚8點舉行，都咪話唔吸引！之不過咁，由練習賽到正式比賽嗰3日，晚晚都要入夜喺街道比賽，大家唔係唔知F1賽車有幾嘈，雖然話夜晚8點唔係好晏，但都叫擾人，相信到時會惹來唔少不滿聲音。