香港足總先前以為國際足協改咗例，令國援就算在港效力滿兩年，都因為冇當地護照，唔能夠以「本地兵」身份出戰。好彩出年首次踢亞協盃嘅南華同傑志，再向亞足協了解，原來國援住夠兩年即成「本地兵」。呢個消息除咗令港隊點兵更靈活，南華同傑志亦多咗「本地國援」張春暉（圖）、鄧景煌同王振鵬等戰亞協盃！