周二晚歐聯主場鬥比錫達斯，唔輸波即出線嘅波圖，第1球贏得大話夾好彩！完半場前1分鐘，一腳禁區外射門「撻Q」，皮球從高而落，比軍門將羅士圖列巴出出吓唔出，突然舉手示意對手越位；波圖嘅阿根廷外援路爾斯干沙利斯唔該都冇聲，接應隊友橫傳掃入空門。我求大俠睇住客軍全隊「定鏡」，忍唔住「格」一聲笑出嚟。