王菲自從同李亞鵬結婚後，專心相夫教女。李亞鵬都好支持老婆嘅決定，仲大爆兩人計劃追番個仔。點知前日內地有報章刊出一篇報道，聲稱引述有份幫阿菲接生嘅北京協和醫院謝醫師話，阿菲嘅子宮肌肉層有異狀，唔適宜再生BB。報道仲話訪問過李亞鵬嘅經理人馬葭，對方表示菲鵬確係想追仔，不過事後馬葭否認曾接受該報訪問，又話唔識謝醫生。