海外十分受歡迎的電玩遊戲《槍神》（Stranglehold）是改編自吳宇森於92年執導的《辣手神探》，最近有美國片商欲開拍這個電玩遊戲，由馮德倫執導，至於中外兩地神探角色，將會由新版超人班頓羅夫（BrandonRouth）與吳彥祖飾演。
馮德倫拍完陳冠希主演的《跳出去》後，明年3月會執導劉德華與郭富城主演的新版《英雄本色》，到年底他會再執導西片《槍神》，不過現時因美國編劇正在罷工，以致該片劇本遲遲未寫好，他相信影片可能要延期開拍。
找編劇寫前傳
雖然劇本尚未可以交到演員手，但馮德倫心中已經有了主角人選，就是新版超人班頓羅夫和香港型男吳彥祖（Daniel）。他昨日在電話中說：「私底下我同Brandon、Daniel傾過呢部戲，佢哋都話有興趣，但當然最終都要睇吓劇本啱唔啱心水，我了解過《槍神》個故事後，同監製張家振傾過，希望再搵編劇寫前傳古仔，以香港神探同美國神探Brandon合力查國際大案作為古仔。」
講述年輕故事
在《槍神》電玩遊戲入面，男主角Tequila的樣貌似足周潤發，但電影版這個角色，馮德倫就選擇了Daniel演出，他說：「部戲主要係講Tequila二十幾歲嘅時候，咁年紀上Daniel係比較接近，不過發哥係我超級偶像，如果將來有機會，我梗係希望可以同佢合作到啦！」
採訪：葉雪
