整容兵團Freeze雙嬌陳樂榣及甄穎珊日前殺入深圳𢱑銀，為當地一間酒家擔任開幕剪綵嘉賓，雖然當日天氣凉浸浸，但兩人仍抵冷穿着性感低胸裝示人，吸引逾百名男士圍觀。陳樂榣及甄穎珊透露早前舉行酒吧騷時曾慘遭怪手拍胸，故已學懂護胸招式，迫入人堆都冇有怕。
整容三嬌Freeze三位成員石詠莉、陳樂榣及甄穎珊，上周應邀到深圳為一間酒樓擔任開幕剪綵嘉賓，但大頭蝦的石詠莉竟遺失回鄉卡臨門撻Q，剩下陳、甄兩人到場，不過雙嬌依然搏到盡，雖然當日天氣微凉，但仍穿上吊帶低胸裝上陣，尤以身穿一襲湖水藍低胸裙的陳樂榣酥胸半露，極為性感。
吸引逾百人圍觀
Freeze雙嬌性感現身深圳，吸引逾百男士大包圍，她們站在酒樓外欣賞醒獅表演時，被不少男士金睛火眼昅實，日前陳樂榣接受電話訪問時說：「初時都驚㗎，尤其着得少，唔知護得邊度，但都識得一招半式嘅，通常都護胸先。」陳樂榣直言曾有過被博懵的慘痛經歷，她苦笑說：「早排做酒吧騷，表演完臨走時啲人狂圍影相，俾人拍胸呀，當時好混亂，所以公司都好警惕，多咗人手保護我哋。」
買新衫平貴通殺
Freeze指內地fans沒有口花花，她笑說：「佢哋講嘅嘢有讚冇彈，冇講鹹濕嘢，態度都好好，但好笑，剪綵後啲酒樓阿姐、夥計都同我哋係咁影相。」其實雙嬌今次前後開工約三小時，五位數字酬勞即袋袋平安。
陳樂榣表示近日不停出席宣傳活動，故添置了不少新衫，這次剪綵正好幫補部份置裝費，她說：「有時都好難買衫，買平嘢都會，但要有時間揀，呢排忙做嘢冇時間，惟有買貴嘢。」
採訪：朱倬誼