現年34歲的蔡少芬（Ada）與33歲的內地小生張晉周一公開宣佈婚訊當日，更到屯門婚姻登記處辦理登記結婚手續，Ada還暗示婚期在明年初，前晚她為新劇開工時，談到待嫁心情坦言現在十分緊張。其好友陳法蓉落力幫忙籌備婚禮，但笑謂舉行地點未定，又大讚準新郎張晉專一、顧家及有上進心。
蔡少芬近日正趕拍無綫劇集《珠光寶氣》，前晚約9時半，她一臉素顏返回將軍澳電視廣播城開工，她甫見記者即說：「唔好影相住，等我化好妝先。」化好妝後，Ada被問到待嫁心情時，她起初沒有回答，後來才說：「我𠵱家好緊張，𠵱家趕住入廠。」其間薛家燕、歐陽震華和楊思琦紛紛上前恭賀準新娘，令她笑逐顏開。
另一方面，曾被誤傳與Ada發展斷背情的陳法蓉（Monica），前晚和洪欣到銅鑼灣出席《張純如——南京大屠殺》首映。
稱婚禮地點未定
Monica曾透露會擔任好友的伴娘，問到Ada的婚禮詳情及在何處舉行婚禮時，Monica說：「仲未知，可能香港、新加坡或者非洲。」
今次已是Monica第二次做伴娘，她說：「我要好friend先做，唔會隨便做，Ada今次婚禮所有好朋友都幫手，好似我自己結婚咁，朋友搵唔到佢都打嚟問我詳情。其實我都識張晉，佢係一個有上進心、顧家、有幽默感同好專一嘅男仔，Ada同佢感情好好。」問到何時輪到Monica自己結婚？她說：「我暫時都未拍拖，等吓先。」
「送乜嘢禮物唔講」
提到Ada突然宣佈婚訊令外間十分驚喜，Monica卻說：「圈內朋友一路都知道，朋友好佩服我守口如瓶。送乜嘢禮物我就唔講，主人家都未知唔講得出嚟。」她又表示希望狗仔隊不要跟蹤她或Ada，她說：「Ada已經講口齒公佈咗婚訊，希望大家畀啲空間佢。」
此外，洪欣也準備隨時出動幫忙籌備婚禮，更謂要其囝囝當花仔都可以，她說：「我哋成家人𠵱家standby幫手。」
採訪：張俊銘、王崇穎
攝影：陳俊強、藍文浩
