喺熱刺效力嘅出名球員，唔知點解成日都要長「唞」，遠嘅有加斯居尼、安達頓同埋列納，近嘅有京治，最新嗰個就係加里夫巴利。呢位18歲嘅威爾斯國腳翼衞，因為右腳受傷要唞3個月，今季佢打得好，又受到重用，家陣長「唞」肯定對熱刺有影響。照咁睇，熱刺同球星啲八字似乎唔係好夾，睇嚟佢哋老細利維要搵蘇師傅幫手先得。