離開咗無綫嘅王賢誌又點使憂生活，前晚佢就同港姐葉翠翠喺灣仔為理工大學晚宴擔任司儀。王賢誌透露最近搬咗出嚟住，仲係搬去千萬豪宅！佢話：「我阿媽喺大埔道買咗間8位數字嘅新屋畀我，搬咗去兩個星期，𠵱家仲未習慣新屋。」至於葉翠翠就話將會同袁詠儀合作拍劇，對於呢位嚴禁遲到嘅前輩，佢話冇有怕，因為自己都冇遲到習慣喎。