張學友打破自己開100場演唱會的紀錄，今次開足102場，更被封為世界歌神，不過學友卻覺得過份抬舉，還嘲笑自己是神經的神，許冠傑才是真正的歌神，無人能及。
張學友昨日於九龍站為「學友光年世界巡迴演唱會07香港GrandFinal」舉行記者會，演唱會將於1月25日至27日與2月1日，一共4場在西九龍中天地舉行，其中1月26與27日的演唱會，是補給上次未能看到學友尾兩場演唱會的觀眾。
已經唔捨得
今次巡迴演唱會一共開了102場，破了學友在95年舉行的100場場數，學友在台上笑言：「以前都做過100場，但冇諗過46歲都仲做到，仲有20場未做，但已經唔捨得，不過我相信我可以handle到個情緒。」其經理人陳淑芬有見學友在各地都破了不少紀錄，特別送上一個牌匾給學友，寫上「蜚聲國際 華人之光 享譽樂壇 全球歌神」，現場也有10多位歌迷與他慶祝。
對於再次唱超過100場演唱會，學友坦言：「其實覺得冇乜特別，都曾經做過，又唔係話做到200場，不過今次喺心態上有啲唔同，上次只係覺得做唔做100場呢，做緊嘅時候就諗快啲做完，但今次做得好享受，上台嘅時候會記住邊一度氣氛最好，要記住佢，心情比較輕鬆。」
被譽為世界歌神，學友打趣道：「我同阿Sam（許冠傑）個神唔同，佢係精神個神，我係神經個神，我只不過係鍾意唱歌，阿Sam係粵語流行曲嘅精神，係兩樣嘢嚟嘅。」
菲歌迷撐場
此外，昨日除了有香港歌迷外，也有菲律賓歌迷手持一個菲字牌以作支持，學友和羅美薇早前被列入黑名單，不得聘請菲傭，學友對於有菲律賓歌迷，他只笑言：「佢係王菲歌迷啫。」
採訪：胡比
攝影：陳俊強
