12/12/07.....
天晴
最新動態
歐協會長柏天尼之前無厘頭講過，包括香港在內，好多亞洲賭波集團操控球賽，其中更有人用1,000萬美元在2:2時，走地買中4:4波膽；唔識嘅就以為呢單新聞極具震撼，熟知賭波行情嘅人士，當然有笑爆嘴之感。
試問世上有邊位莊家會肯收呢類注碼，𠵱家走地大方向唔係買大細就係讓球盤，而且投注必定有一定限額，冇咁易畀你煲爆；柏天尼所講可能只會喺王晶導演出品嘅「賭」系電影出現。
不過你話歐洲頂級賽事有冇假波，我唔敢否定，因為𠵱家比賽強弱懸殊實在太明顯；好似今晚歐聯分組賽8場，泰半係名次之爭，甚至無關痛癢，落場球員戰意難料；其中要作客嘅陸軍、星隊同基輔，全部喺分組賽墊底，過去幾輪賽事已輸怕捧場客；你話佢哋今晚用乜嘢心態比賽？
搵錢真係可以有好多方法，尤其係佢哋財力非厚，學柏天尼賭博思維，今場就買波膽3串7，阿仙奴、費倫巴治同士砵亭主其他波膽，煲爆莊咯！
蘋果波神
股市大旺，英超盛世，大家齊來贏多啲！
http://hk.myblog.yahoo.com/footballexperts/
逢周一至五見報