楊采妮噚日喺灣仔宣傳Bedat&Co.腕錶，輕騷香肩示範14萬鑽錶，剛喺台北頒發金馬獎返港嘅佢，話估中晒影帝、影后同新人獎，楊采妮話：「我全部估中晒，陳冲係實至名歸，湯唯都好厲害，睇到佢嘅角色係好痛苦，但佢同導演、演員之間有一份互信，都值得開心。」楊采妮講到自己嘅拍戲尺度時話：「我一係唔接，一接就會做到最好。」