甄子丹近日忙於在內地拍攝電影《畫皮》，但日前他收到懷孕中的太太汪詩詩通知，指這兩天將會分娩，他立刻向電影公司請假回港陪伴愛妻。甄子丹表示已為兒子取英文名James，因為他很喜歡占士邦系列電影。
甄子丹的太太汪詩詩原本本周六預產期，但日前檢查時，得知腹中兒子可能會早產，故子丹前日已趕返香港陪伴嬌妻。由於早前做掃描時，已得知這胎是兒子，所以夫妻早已想好兒子的名字，子丹昨日接受電話訪問時說：「我好鍾意占士邦呢個角色，所以想過將個仔嘅中文名就叫呢個名，英文名叫James，但老婆話中文名要正經啲，所以唔會真係叫占士邦啦！」
由於這兩天子丹的太太隨時會分娩，所以他寸步不離陪伴左右，子丹說：「噚晚老婆突然叫肚痛，我以為老婆作動生得，諗住送佢去醫院，點知痛咗一陣之後又冇事，咁佢又瞓番。」
「心情好緊張」
子丹續說：「不過醫生已經話咗𠵱家隨時會生，叫我好好哋照顧老婆，所以我已經通知《畫皮》劇組，等我老婆生完，先至可以再返去開工，雖然話已經唔係第一次做爸爸，但心情依然係好緊張。」
完成《畫》片後，子丹會再接演葉偉信導演的《葉問傳》，飾演詠春拳的一代宗師，不過王家衛早前也曾宣佈有意開拍講述葉問生平的《一代宗師》，對於電影鬧雙胞，子丹說：「東方公司開拍呢部戲，係得到葉問個仔葉準同意嘅，據葉問後人所講，王家衛嗰邊所簽嘅版權已經過期，所以唔存在鬧雙胞嘅事。」
採訪：陳月媚