黃貫中與黃家強不和傳聞近日再度升溫，繼日前蘭桂坊活動兩人視而不見，阿Paul提早離場，昨日又同場出席頒獎禮記招，兩人繼續左閃右避，但今次輪到家強鬆人，提到兄弟要不停避走，阿Paul斷然說：「留唔止我一個，走嘅唔止佢一個，合照最好唔好啦。」
將於明年一月三日假會展舉行「RoadShow至尊音樂頒獎禮2007」，昨日在紅磡舉行記者會，古巨基、楊千嬅、何韻詩、黃貫中（Paul）、黃家強、鄧麗欣、吳雨霏及鄭融等均有出席撐場，大會率先頒發《至尊殿堂金曲》予陳慧嫻的《千千闕歌》，而生日的周國賢獲歌手唱生日歌祝賀。
各據一方
阿Paul與家強昨日再次碰頭，當阿Paul見到家強步入會場即時閃避，直至活動開始再埋位就座，兩人繼續視而不見各據一方，記招完畢後家強未接受訪問便走人。問到阿Paul為何他和家強經常都一個留低另一個就走？他說：「留唔止我一個，走嘅唔止佢一個，我今次見到佢，合照就最好唔好，一陣又寫埋啲唔好嘅嘢。」其後他笑言最討厭合照，甚至與朱茵都不影合照。對於蔡少芬結婚，阿Paul坦言一早知對方拍拖，更大讚男方是極品佳釀，而自己是二鍋頭，當追問他何時結婚，阿Paul即耍太極指工作忙未有時間。
有報道指千嬅親自致電TVB傾獎，有機獲得亞太區最受歡迎香港女歌星，千嬅得知此事笑說：「好勁喎，冇可能唔畀面林生，咁有新意，若果我咁上進五年前就做，使乜等到幾十歲人。」問到有否信心奪獎？她說：「上神枱，有冇獎都經歷過，都係鼓勵。」她笑指若果得獎首要致電給身在北京的黎明報喜。談到昨日是黎明生日，千嬅錯愕起來，並表示會後補禮物。
投入工作
慧嫻得獎時眼泛淚光，她事後接受訪問時說：「冇，感動啫，好多謝大家咁支持我，我𠵱家做嘢都好輕鬆，以前嘅事都放低晒，𠵱家好投入咁工作，工作令我改變好多，我好開心。」
採訪：馬建華、胡比
攝影：陳俊強
