日本男星小田切讓，近日憑住電影《東京鐵塔─我的母親父親》，感動唔少香港觀眾。向來打扮好有個人風格嘅小田切讓，每次出席公開場合，都鍾意以奇裝異服打扮示人。好似去年出席日本奧斯卡電影頒獎禮，小田切讓頭紮孖辮現身領男配角獎，震驚全場。
追求自由無束縛
雖然日本人封佢做潮流icon，不過，佢嘅獨特衣着品味並唔係個個受得住，喺韓國empas嘅討論區度，就有唔少保守嘅韓國網友大彈佢着衫恐怖，足以嚇死唔少fans。
網友roseanne話：「小田切好似好討厭自己靚仔，所以佢好努力整醜自己。」網友什麼就話：「正常嘅衫落喺佢身上都會變得騎呢，一啲魅力都冇。」不過欣賞佢嘅fans一於少理，網友jaung0921就話：「雖然係咁，我都覺得佢好型喎。」至於網友lomelindy就話：「睇嚟佢好追求自由無束縛，哈哈。」
版主：網盜王尊尼Deep
本欄逢周一至五刊出
http://news.empas.com/board/bbs/read.html?a=102400&b=abroad&p=0