昨日內地新浪網報道內地女星范冰冰3個月前上網搜尋個人新聞時，發現一個名為當代女子醫院嘅網站，用佢「整容」廣告作招徠，引導網民進入醫院網頁。范冰冰認為廣告將佢同整容放埋一齊，對佢構成惡劣影響，而且係嚴重侵權，於是起訴對方，要求院方撤銷廣告、公開道歉以及索賠120萬元人民幣嘅精神損失費，日前法院已正式受理。