范姜做鍾鎮濤（阿B）背後的女人多年，早前終決定做出自己的事業，在銅鑼灣開設二手童裝店，全家總動員出擊，胞妹做珠寶箱，大B女嘉晴出利是錢，小B女鍾懿前日更帶病上陣示範童裝，為的不只是金錢，還有分享為家中小公主扮靚的快樂。
范姜早前與廣告界朋友譚小姐合作，投資六位數字，在銅鑼灣開設樓上二手童裝店Mummay。今次范姜全家總動員，連鍾鎮濤與章小蕙所生的12歲女兒鍾嘉晴，也拿出利是錢，上下一心，搞好這門「小」生意。
籌備10天
新店昨日才正式開張，范姜前日帶發燒的鍾懿看醫生後，才匆匆趕回店打點和做訪問，她說：「好多嘢都未搞掂，連價錢都未mark好，由簽約至開舖，加埋都唔夠10日時間。」為何叫Mummay？她說：「因為我哋好多媽咪都有工人，佢哋鍾意叫我哋Mum，我妹妺May又有幫手，所以叫Mummay。」
因開業時間緊迫，范姜謂只好分工合作，自己負責搞室內設計，更在fleamarket找來兩張法國路易15的古董梳化，營造溫馨活潑卻雅致的效果，新店的invitationcard親手逐張剪，嘉晴幫手做絲帶頭箍，胞妹則做手工刺繡珠寶盒等，連小病的鍾懿也與同學仔一同示範新衫。
半價以下
范姜說：「之前都講過，係因為我生完BB有好多衫，試過最誇張係同一款Dior裙，居然有三條，着唔晒覺得好浪費，身邊有啲朋友又叫我轉賣，叫得朋友都係送啦，所以不如諗做成一門生意，畀所有媽咪都可以將囡囡、囝囝都扮得靚靚。」
店內回收的二手童裝名牌，包括babyDior、Burberry和LV等，一律以半價以下發售，范姜說：「我希望可以做得更全面，由服裝到小朋友家品、護膚品都有，我哋會搞一個圖書閣，畀小朋友睇書，將來仲會請老師教小朋友language，或者講故事。」
採訪：JessicaNgan
攝影：RickyChan
