胡杏兒與徐子珊昨日在佐敦出席美容產品代言人簽約儀式，徐子珊連續3年做代言人，今次再加入杏兒，而杏兒更穿上婚紗主持簽約儀式，問子珊會否感到風頭被搶，她大方地說：「杏兒係新成員梗係大事鋪張，我同佢係好朋友，平日都有約埋行街講吓扮靚心得，好開心佢可以加入。」
失常爆笑
最近有美容產品被指含致癌物，問子珊任代言人之前會否先了解清楚產品成份時，她說：「廣告係公司幫我接，接之前公司應該會了解清楚，而且我做咗3年，應該冇問題。」
蔡少芬突然宣佈婚訊，令人意外的是將戀情收得如此密實，反之杏兒與黃宗澤的緋聞就相當高調，問杏兒會否向蔡少芬請教兩招？杏兒竟失常爆笑說：「哈哈哈！結婚係開心事，唔會秘密，拍拖就未必。」
採訪：魯萍
攝影：葉君海