09/12/2007.....
天晴
睇NBA多年，每逢其中一隊第4節中後段大幅領先對手，雙方都冇謂搏，收起大部份主力，派遣副選打埋餘下時間，一般都稱為「垃圾時間」。上周六睇場英超，竟然都見到「垃圾時間」出現。
利物浦作客落後雷丁1:3後，先後收起費蘭度托利斯同謝拉特，簡直提早掛起白旗宣佈投降，之後收起埋加歷查，避免佢再攞多張黃牌，下周日對唔到曼聯。賓尼廸斯幫利物浦贏過歐聯，但始終唔得我心，就係因為太多計算；當然留力對馬賽同曼聯合理，但同樣將5連勝建立的士氣毀於一旦。
上周六輸得最甘唔係利物浦，而係拜仁，比賽末段多打一人，都攻唔入杜伊斯堡；雙中鋒東尼同高路斯係就係名氣大，不過欠缺走位，整體活力亦不足，小弟真係對拜仁死心。除非之後陣容大改動，否則唔好追住。
http://hk.myblog.yahoo.com/footballexperts/
蘋果波神
股市大旺，英超盛世，大家齊來贏多啲！